Muziko rafinita kaj plena je mesaĝoj.
Alexandre Paredes estas komponisto kaj interpretisto, ludas gitaron kaj pianon. Liaj komponaĵoj alportas tekstojn plenajn je mesaĝoj kaj bone ellaboritan harmonion, kun stiloj kiel brazileca muziko, popo kaj serioza.
Kelkaj el liaj kanzonoj estis multe elsendataj de radistacioj en Rio-de-Ĵanejro kaj interpretataj de diversaj muzikistoj, bandoj kaj korusoj de Braziljo, ĉefe la muzikaĵo Ele, kiu estis uzata kiel temo por la malfermo de la televida programo Despertar Espírita, elsendata dimanĉe de TV-stacio CNT.
En 2003, li lanĉis sian unuan KDon, Era de Luz, tute kun memverkitaj komponaĵoj kaj aranĝoj/muzika direktado de Flávio Fonseca. Dank' al Klubo de Arto de Lar Fabiano de Cristo, bonfara institucio kiu kontribuis por la disvastigo de la KD, jam vendiĝis pli ol 10 mil ekzempleroj de Era de Luz.
En 2004, li ricevis la trofeon Luiz Geraldo Azevedo, en kategorio komponado, de Konkurso pri Muziko de FENABB, Nacia Federacio de Sportaj Asocioj Banko de Brazilo, pro la muzikaĵo Sei que Queres Voar, kiu partoprenis de la KD Brasil de Todos os Cantos, kompilo de plej diversstilaj muzikaĵoj. La KD kalkulis je la partopreno kaj arta direktado de la kantistoj Fagner kaj Zeca Baleiro, kaj enhavis unu kanzonon de Geraldo Azevedo, omaĝito de la konkurso.
En 2005, li estis intervjuita en la televida programo Idéia Musical, elsendata de pli ol 60 stacioj en la tuta lando. La programo prezentis ĉiusemajne artistojn kiuj laboris celante la disvastigon de pozitivaj ideoj per muziko.
En 2008, li turneis en Usono, tra kelkaj urboj de Florido, kiel Orlando, Pompano Beach kaj Fort Myers. En la sama jaro, li estis invitita de Klubo de Arto de Lar Fabiano de Cristo por partopreni de televida programo, en Rio-de-Ĵanejro, omaĝe al 10-jariĝo de tiu institucio, kune kun artistoj el tuta Brazilo kiuj faras similan laboron.
En 2009, li lanĉis sian duan albumon, titolita Ninguém Está Só, kiu kunigas 15 novajn muzikaĵojn, el kiuj unu verkita kune kun Alexandre Lacerda, Bênção do Trabalho, kiu titoligis la unuan albumon de la bando Nova Luz.
Kun la muzikaĵo A Gente, li estis unu el la 14 finalistoj de la Kultura Konkurso Banko de Brazilo 2009, tutnacia.
Krom sia solo-kariero, Alexandre Paredes anas en la Voĉa Kvaropo Intuição, en kiu kunestas la aranĝisto, komponisto kaj kantisto Eduardo Braga, krom la kantistinoj Débora Lícia kaj Vilma Bittencourt.
Kontakto:
alexandre.paredes@cassi.com.br, +55 (61) 9202-1539 kaj +55 (61) 3322-9570
Por aĉeti albumojn:
alexandre.paredes@cassi.com.br, +55 (61) 9202-1539 kaj +55 (61) 3322-9570
Esperanto:
Ĉiuj rajtoj de la verkoj ĉi tie disponeblaj en MP3 estas rezervitaj. Vi povas elŝuti ilin por privata uzo, tamen estas malpermesataj la reproduktado, distribuado, publika disaŭdigo kaj/aŭ modifo de la verkoj por komercaj celoj, sen la koncerna rajtigo de la aŭtorrajtoj-posedantoj.
Português:
Todos os direitos das obras em versão MP3 aqui disponíveis são reservados. Você pode fazer download delas e reproduzir para uso privado, porém é proibida a reprodução, distribuição, execução pública e/ou alteração das obras para fins comerciais, sem a devida autorização dos titulares dos direitos autorais.
English:
All rights of the songs in MP3 format available here are reserved. You may download or reproduce them for private use, yet their reproduction, redistribution, public performance and/or alteration for commercial purposes, without the due
permission of the copyright holders, is prohibited.
|
.jpg)
MP3 3514 Kb
.jpg)