Novaĵoj
Koncerto de Duo Esquina Brasileira La Duopo Esquina Brasileira, konsistanta el la kantistino Ava Araujo (foto) kaj la gitaristo Fábio Calazans, prezentiĝos ĉe Café Touché, en la urbo Vila Velha, en la 24a de majo, je la 21a horo.
En tiu koncerto la duopo kalkulos je speciala partoprenos de la saksofonisto Marcelo Coelho, kiu ĵus alvenis de turneo en Argentinio kaj difinas sian laboron kiel "nuntempa brazila muziko".
En la repertuaro troviĝas grandaj sukcesaĵoj de bosanovo kaj brazila muziko ĝenerale, kiel kanzonoj de Tom Jobim, João Donato,
Rosa Passos, Ary Barroso, Geraldo Pereira, Pedro Caetano, Djavan, Cartola, Baden Powell, Edu Lobo, Gilberto Gil, inter aliaj.
Masako Tanaka kun Eduardo Rangel La japana kantistino kaj perkutilistino Masako Tanaka, anino de la grupo “PianOrquestra”, profitas sian ĉeeston en Braziljo por prezenti sian laboron kiel kantistino en du spektakloj:
En la 17a de majo, je la 21a horo, ĉe Beco da Rua 8, kantante aŭtentan sambon, kaj en la 18a de majo, je la 14h30, ĉe Bom Demais (CCBB), prezentante
la aŭtentan japanan muzikon.
En ambaŭ koncertoj partoprenos la kantisto Eduardo Rangel (foto) interpretante kun Masako O Gago Apaixonado de
Noel Rosa, laŭ amuza japanlingva versio.
Paulinho Parada lanĉas KDon La gaŭĉa artisto Paulinho Parada lanĉos sian KDon Minhas Águas en la 17a de majo, je la 22a horo, ĉe Art & Bar, en Portalegro (kvartalo Auxiliadora).
La evento kalkulos je la ĉeesto de grandaj muzikistoj, kiel Plauto Cruz kaj Mário Barros (ambaŭ kunlaborintoj de Yamandu Costa), kio krom
havi imensan kulturan valoron - ĉar temas pri tri muzikaj generacioj - elstarigos la ĝenrojn sambo kaj bosanovo, okazigante memorindan brazilmuzikan renkontiĝon.
Muziktekstoj kun akordoj per Decifra Por tiuj kiuj ankoraŭ ne scias, jen bona informo: iu ajn Muzikteksto kun Akordoj disponebla ĉe MusicExpress estas videbla kun desegnoj de la gitara kolo.
Por tio, sufiĉas instali la programeton Decifra Visual, kiu estas senpaga kaj trovebla ĉe www.decifra.com (angla- kaj portugallingva).
Poste, se vi volos ekhavi la version kiu ebligas la kreadon de novaj dosieroj *.dec, elŝutu la kompletan programon, provu ĝin, kaj,
se vi ŝatos, pagu la malgrandan prezon kontraŭ la registro. Kaj faru viajn proprajn dosierojn de muziktekstoj kun akordoj, kun desegnoj, ŝanĝu la tonalon, aŭdu la akordojn, konsultu la akordaron kaj ĝuu ĉion kion donas la bonega programo Decifra.
Agendo de Gilberto Correia La artisto Gilberto Correia estas partoprenanta de l' Projekto Ceduca (Eduka Eventserio de Kulturo kaj Arto), kiu okazigas senpagajn koncertojn en Municipaj Lernejoj de Gojanjo kaj estas malferma al la komunumo.
En la 16a de majo li estos ĉe M. L. Jesuína de Abreu, en kvartalo Parko Amazônia, je la 10a horo.
En la 17a, ĉe M. L. Frei Nazareno Confaloni, en kvartalo Vilaĝo União, je la 9a horo.
Kaj en la 20a, ĉe M. L. João Paulo I, en kvartalo Ĝardeno América, je la 20a horo.
Krome, en la 17a li prezentiĝos kune kun Charles D’Artagnan je la 22a horo ĉe Alto Astral Bar, en kvartalo Sektoro Ŭesto.
Kaj en la 23a, la koncerto estos ĉe Magazenaro Plaza D’oro, je la 19h30.
Marinho Lima en majo La kantisto kaj komponisto Marinho Lima prezentiĝos ĉiun ĵaŭdon de majo ĉe Carpe Diem de Magazenaro Braziljo, en Braziljo, je la 20a horo.
Li prezentos la koncerton "Belaj Brazilaj Kanzonoj".
Duobla koncerto en Rio La grupoj Espelho da Alma (foto) kaj Acústica do Ser surscenejiĝos kune ĉe Lona Cultural de Vista Alegre, en Rio-de-Ĵanejro, en la 18a de majo, je la 18a horo.
Espelho da Alma konsistas el Fábio Alves kaj Lander Andrade, post multaj konsistoj ekde 1990, strebante al kvalito pli kaj pli bona, en tiu "nedifinebla" muzikstilo, kiun nur aŭdante oni komprenas.
Acústica do Ser konsistas el Anastácia Silva, Grégory Canto, Guilherme Martins, Maurício de Souza kaj Pierre Rodrigues, disvolvante sian laboron ekde 2005.
Tormenta en Ribeirão Preto La metaltraŝa bando Tormenta partoprenos de la evento Brothers of Metal, kiu kunigos plurajn bandojn ĉe Koncertejo Mogiana, en la urbo Riberão Preto, en la 24a de majo, ekde la 19h30.
Tormenta faras metaltraŝon kun influoj de la okdekaj jaroj kaj kantatan en la portugala.
|
